تعرف على علامات تلف حساس الكرنك

يعتبر حساس الكرنك من اهم الحساسات الموجودة في المحرك وله دور مهم tD تشغيل المحرك وضمان عمله بانتظام وكفاءة نتعرف بشكل سريع عن وظيفته وطريقة عمله واعراض تلفه

. وظيفة حساس الكرنك تسجيل معدل دوران عمود الكرنك ونقل إشارة لوحدة تحكم المحرك اللي على أساسها بيتحدد توقيت حقن الوقود او توقيت الاشعال.

. طريقة عمل حساس الكرنك اللي بيتكون من مغناطيس طبيعي حواليه ملف من سلك نحاس نهاية طرفين الملف ده في فيشة الحساس . المغناطيس ده بيخلي في حقل مغناطيسي دائم وبيتأثر الحقل المغناطيسي ده بمرور اسنان الترس قدام الحساس وده بيولد تيار كهربائي متقطع على شكل نبضات كهربائية بتتبعت لوحدة التحكم (الكمبيوتر) اللي بيترجمها لسرعة دوران عمود الكرنك وعلى أساسها بيحدد لحظة حقن الوقود او لحظة الاشعال على حسب سرعة عمود الكرنك.

• في حال وجود عطل في حساس الكرنك هيأدي لنقل بيانات غير صحيحة لوحدة التحكم الالكترونية او مش هينقل بيانات خالص وده هيسبب خلل في دوران المحرك او انه ميشتغلش من الأساس و اعراض تلف حساس الكرنك هي:

1- اهتزاز المحرك بشدة في وضع الخمول (السلانسيه).

2- زيادة استهلاك الوقود.

3- استجابة بطيئة على الحمل او عند الضغط على دواسة الوقود و تسارع ضعيف.

4- صعوبة بدء تشغيل المحرك او توقف المحرك بعد ثواني من دورانه او عدم القدرة على التشغيل في حالة تعطل الحساس تماما.