كتب: على عبده
خلال السنوات الاخيرة تغير السوق المصرية للسيارات بشكل كبير سواء فى ظهور ماركات جديدة للسيارات والبعض منها أصبح أكثر انتشارا وفرضت سيطرتها على السوق أو دخول تكنولوجيا جديدة علينا في بعض السيارات لم نعهدها من قبل بالأضافة الى تغير الفكر والمعلومات لدى الكثير من مالكى السيارات .. في هذا المقال سوف نتناول معلومة جديدة على الكثير منا وناس كثيرة يستغربون من انتشارها فى بعض السيارات فى مصر.
حنتكلم عن الـ “Capless Gas Tanks” و ده باختصار بسيط ان تانك البنزين ملوش غطاء زي ما كلنا متعودين بمعني انك بتحط مسدس البنزين علي طول في التانك مفيش مفتاح ..مفيش غطاء كعاد الكثير من الطرازات الاخرى المنتشرة فى السوق
نظام الـ Capless Gas Tanks تم اختراعه بواسطة شركه Ford و بداء يكون موجود فى السوق بداية من عام ٢٠٠٨ وقررت فودر انه يكون موجود في كل سياراتها المختلفة
بعد كده النظام ده بقي موجود في عربيات كتير زي فيات وعربيات تانيه كتير.
باختصار النظام ده عباره عن فتحه لا تسمح الا بدخول مسدس البنزين او قمع مخصوص الي التانك
ايه مميزات النظام ده ؟
– مش محتاج تفتح التانك ولا حتنسي تقفله.
– مفيش غطاء للتانك يحك في العربيه لما تيجي تحط بنزين
– مفيش غطاء يقفش و انت بتفتح او و انت بتقفل
-مفيش تسيل من التانك لو حطيت بنزين زيادة
-مفيش ريحه بنزين بعد ما تفول العربية
– محدش حيعرف يسرق منك بنزين
زي ما ذكرنا المميزات لازم نتكلم عن العيوب
– لازم يكون معك قمع مخصوص عشان لو حبيت تحط بنزين من جركن و ده بيكون نازل مع العربيه
– في مصر بعض الناس بتعتبره مشكله ان العيال تفتح الغطاء وتلعب فيه او تحشر فيه اي حاجه
المقال الجاي حنتكلم عن حاجه جديده علينا و هي عدم وجود استبن في العربية و الحلول البديله الي شركات السيارات وفرتها لحد مشكله الاطار الاحتياطي.
