10 نقاط أساسية تأكد منها قبل استلام سيارتك الجديدة

ازاي تستلم سيارتك الجديدة “علي الزيرو “؟ .. بعض النصائح الي لازم تاخدوا بالكم منها و انتوا بتستلموا سيارتكم الجديدة 🙂

1- حاول تستلم السيارة في النهار علشان تبص لو فيها خدش او اي خبطة لا قدر اللة وكمان شيل الورق الملزوق علي الكبوت او علي السقف علشان تتاكد ان مفيش اي عيوب في بوية السيارة .

2- شيك علي زجاج الكهرباء لجميع الابواب و انة شعال و مفيش صوت تزييق او مشكلة .

3- جرب الكاسيت وشوفه شغال ولا لا .

4- تاكد من وجود ضمان السيارة والكتالوج بتاع السيارة

5- شيك وبص على المياة بتاعت السيارة من ميه مساحات والقربة والردياتير والبطارية

6-اتاكد من وجود الاستبن (الكاوتش الاحتياطى ) وشنطة العدة .

7- شيك علي الكراسي الامامية وحزام الامان و انوار السيارة كلها للتاكد من انها شغالة ولا لا .

8- – بص على عداد الكيلومتر واهم حاجة انه لايزيد عن 100 كيلوا .

9- التاكد من ان التكيف شغال

10- سخن السيارة وبعد ماتسخن اتاكد من ان المروحة اشتغلت بتاعت الرديايتير ولا لا و تاكد من ان الماتور صوته وهادى فى بداية التشغيل .