1 – أيـة اللى بيـحصل لما بدى غيـار بدرى ؟
الناس اللي بتنقل الغيار للمكنة في وقت بدري جداّ أو وقت متأخر جداّ خليك عارف إنك لو نقلت للمكنة غيارها بدري أنت كدة بتأثر بشكل كبير جداّ علي قواعد المكنة وعلي إسطوانة الدبرياج لأنها بتحاول إنها تركب الغيار ده علي عدد لفات الموتور دي ولو نقلت للمكنة غيارها متأخر أنت كدة يبقي بتقرص علي المكنة وبتحملها فوق طاقتها وهي علي غيار مش مناسب مع عدد لفاتها وبالتالي ده بيزود من إستهلاك البنزين وبيخلي المكنة من جوه تاكل في بعضها ومع الوقت المكنة بتخف وبتسحب زيت كتير جداّ ..
2 – النقلة الصح امتى يعنى لما أكون ماشى على الـ 1 أمتى أنقل للـ 2 ؟
الحكاية كـلها أصلا تقدير للعربية كل عربية بتختلف على التانية بسبب قوة الحصان و عدد ال سى سى بس هى ماشية على سياسة واحدة …. و هى التقدير .. تقدير يعنى أية ؟؟ أنك اللى بيسوق بقالة فترة و مش بيبص على RPM و أنا واحد منهم بحب أقدرها لما بلاقى صوت الموتور على معايا و السحب بيقل بدى الغيار اللى بعدة علطول
طب تعالو بقى للى لسة بيتعلم أو جديد فى المانيوال … أنت ممكن تنقل صح من أول 2500 و 3500 RPM
مثلا لما تجيب 20 تنقل على التانى
وفى 40 تجيب الثالث
ولما السرعة توصل 60 تجيب الرابع
ده للتوضيح … و فى عربيات بتختلف فيها الارقام دى بس احنا هنا نص الشعب مواتير 1100 سى سى لحد 1600
اللى فوق ال 1600 أصلا بيكون أوتوماتيك و اللى بيجيب مانيوال يبقى دة راجل بيبحب العربيات الرياضيةو مش محتاج يعرف ينقل أمتى
3 – يـعنى أية حرق عـلى الغيار ..
يعنى فوق أحنا قولنا هتنقل على 2500 لحد 3500 .. لا فى الحرق بقى أقل حاجة هتنقل 5000
يـعنى أحنا كنا بنقول فوق على الـ 3 تجيب ال 40 لا أنت بقى هنا على الـ 3 هتجيب ال 120 و ال RPM أقل حاجة هيكون 5800 تدى الـ 4 تجيب علية ال 180 .. هو دة الحرق بأختصار شديد أنك بتنقل متأخر أوى .. و ساعات تلاقى العربيات تقول أقصى عزم بيطلع عند عزم 6000 لفة فى الدقيقة معناها أن العربية بتخرج كل قوتها و ال RPM على 6 .. و الارقام دى بتختلف من كل عربية للتانية …
4 – أية ممـيزات المانيوال ؟
1 – سـحب المانيوال أفضل و أسرع فى التجميع كـتير عن الاوتوماتيك
2 – بتحافظ على الكبالن أكتر بكتير من الاوتوماتيك لان انت فى اى ملف او اى فرملة او مطب اى حاجة فىالمانيوال بتروح جاى ممور
و دة بيقلل حرق الكوبلن
اما فى الاوتوماتيك مش هتقدر تجيبها على الـ N فى جميع الاوقات
3 – لما العربية بتـعطل تقدر تدورها زق عكس الاوتو
4 – تـقدر توقف العربية لو مفيش فرامل و دة عن طريق الغيارات العكسية
