زيـت الفتيس بيقوم بتـزييت الاجزاء الداخـلية المتـحركة للفـتيس وفي نفس الوقت تبريد اجزاء الفتيس نتيجة الاحتكاك و السـخونة الناتجة عن حركة التروس و الاجزاء الميكانيكية الداخلية و يتـم استخدام زيت فتيس للاوتوماتيك واستخدام انواع تانية اخري بالنسبة للفتيس المانيوال كما ينصح كتالوج الـعربية او الشركة الام
لـية لازم تـغيير زيت الفتيس ؟
في المانيوال .. نـتيجة الاحتكاك بيحصل تتـحلل لبعض الاجزاء البسيطة من التروس تسمي بالرايش او الرواسب وبتتجمع علي شكل اجزاء بتطفوا علي الزيت وبتعيق ان الزيت يكمل مهمتة لحد الاخر وبالتالي الرواسب تزيد وكفائة الفتيس تقل و تقصر في عمرة وتضعف استجابة العربية في تبديل الغيـارات
في الاوتوماتيك .. بنغير زيت الفتيس نتيجة الحرارة المرتفة اللى بتعمل علي تحلل وتكسير ذرات واجزاء الزيت ومع مرور الوقت يفقد خواصة و يكون ليس عندة المقدرة علي اداء وظيفتة بشكل كامل و وظيفتة هو توفير اللزوجة بين التروس وتبريد الاجزاء الداخلية
أمتي أغير زيت الفتـيس ؟
في الفتـيس الاوتوماتيك تـغير زيـت الـفتيس مابين 65 – 75 الف كـيلو
في المانيوال تـغيير زيت مابين 75 – 90 ألف كـيلو
ولو بتستخدم العربية استخدام شاق ويومي يبقي الاوتوماتيك كل 60 الف و المانيوال كل 70 الف
بـعض النـصائح والملحوظات
1.لما تيجي تـغير الزيت غير الفلتر كمان
2.راجع علي مواسير تبريد الفتيس
3.راجع كتالوج العربية قبل تـغيير زيت الفتيس عشان تعرف النصائح الموصي بها من الشركة الام المالكة للـسيارة
4.لا تزيد نسبة الزيت اكتر من المطلوب لان عند زيادة منسوب الزيت يحدث رغاوي وبالتالي دة بيعمل صعوبة وتأخير في عدد نقلات الفتيس وبيعمل ضرر علي المدي البعيد لاجزاء الفتيس الداخلية
