تظبط كاوتش عربيتك على كام

من أهم الحاجات اللى لازم تهتم بيها فى عربيتك هو ظغط الهواء للكاوتش وده من الصيانات الدورية اللى لازم تقوم بيها لعرييتك بصفة مستمرة على الاقل خد من وقتك 5 دقائق كل اسبوعين عشان تتاكد من ظغط الهواء للكاوتش وكمان لو مسافر لازم تتاكد منه.
لان الاطار هو العنصر اللى بيربط عربيتك مع الطريق يعنى يبقى المحرك عندك تمام وكمان الفتيس وتبقى فى مشكلة فى الكاوتش هيزود من استهلاك الوقود للعربية وكمان هياثر على اداء العربية .
.
وظغط هواء الكاوتش لازم يكون مظبوط عشان مايكونش اعلى من اللازم فيسبب تاكل الكاوتش من النص وكمان ممكن يؤدى الى انفجار الكاوتش و بيكون فى مشكلة فى التوجيه .
ولو الضغط أقل من اللازم ده هيسبب تاكل الكاوتش وكمان زيادة فى استهلاك الوقود وهتبقى التوجيه اصعب (يعنى الطارة هتبقى تقيلة معاك)
.
وهتلاقى حد بيقولك ظبط الضغط على 28 او 30 psi حسب صيف والشتاء لكن الكلام ده غلط ومش مظبوط لان كل عربية بيكون ليها مواصفاتها والشركة بتحدد لك قيمة ظغط الهواء المظبوط للكاوتش
وهتلاقى قيمة الضغط المظبوط لعربيتك فى لوحة مثبتة عند باب السائق وفى شركات بتقولك الظغط هيتغير لكام مع عدد الركاب و الشنط .
.
وبالنسبة لموضوع تغير قيمة الضغط مع درجة الحرارة فى الصيف والشتاء الكلام ده مظبوط لان قيمة الضغط اللى بتحددها الشركة بيكون عند درجة حرارة 21 مئوية و تزود الضغط 1 psi كل زيادة 6 درجات مئوية للحرارة وتقلل الضغط 1 psi مع كل انخفاض 6 درجات مئوية للحرارة بالنسبة لدرجة الحرارة 21 مئوية