حكاوى السوق
على عبده يكتب : معترض على تعريفة شحن المركبات الكهرباء ؟
معترض على تعريفة شحن المركبات الكهرباء ؟
طيب تعالي نتكلم
أولا: خلينا نتفق ان المركبات الكهرباء هي امر واقع خلاص لدرجة ان دول كتير منعت سير المركبات الي بتعمل بالوقود في المدن الكبرى وفي طريقها لمنعها اساسا، كل شركات العربيات تقريبا الي بتعمل بالوقود بتعمل عربيات كهرباء خلاص. فهنا لازم نفهم ان المركبات الكهرباء هو المستقبل سواء بكره او بعد ١٠ سنين.
ثانيا: من وقت قريب قرينا خبر افلاس أكبر شركه بتشتغل في محطات الشحن في مصر عشان مكنش مسموح لهم ببيع الكهرباء للناس، يعني حضرتك بتدخل المحطة تشحن عربياتك وهو يحاسب، طيب الراجل ده كان لازم يجي له وقت ويفلس، وجود قانون وتعريفة لبيع الكهرباء في محطات الشحن هو طوق النجاة للصناعة دي كلها في مصر (حتي لو بعض الناس شايفين انها غالية).
ثالثا: أكبر اعتراض كان على تعريفة شحن DC، طيب امتي بنستخدم ال DC ?علي طريق سفر في موقف طوارئ، غير ان الطبيعي في استخدام أي مركبه كهربيه انك بتشحن AC و وقت الاحتياج فقط بتشحن DC . يعني باختصار حضرتك حتدفع تمن خدمه مميزه وقت ما تحتاجها فقط، غير كده ممكن تشحن عادي بتمن الكهرباء المنزلي لو عندك جراج او بيتك قريب من الشارع، فعشان نبقي عادلين مينفعش نحسب تكليف التشغيل بتاعت عربيه او موتوسيكل كهرباء علي سعر ال DC لان ده مش بيحصل في الطبيعي.
رابعا: مفيش أي مقارنه بين تكاليف تشغيل عربيه بنزين وعربيه كهرباء بجانب مميزات كتير لصالح الكهرباء حنتكلم في بوست عنها لوحدها.
خامسا: كلنا عارفين ان مصر لسه بتبداء في موضوع المركبات الكهربية فطبيعي ان مفيش محطات في كل حته، بس بقي في اكتر من ١٠٠ محطه شحن في مصر و كل يوم في زياده، مش عايزك تقارن العربية البنزين الي اتعودنا عليها سنين كتير بتكنولوجيا جديده لسه بتنتشر عشان حتبقي بتظلمها
حاجه اخيره محتاجين نعرفها بخصوص تسعير محطات الشحن، انت مش بتاخد كهرباء من السلك علي طول عشان تحاسب بسعر البيت في شركه بتدفع ايجار الارض الي عليها الشاحن و بتشتري معدات و شواحن و مهندسين صيانه و تفاصيل كتير فطبيعي الناس دي يطلع لهم هامش ربح عشان يقدرو يكملو و يعملو محطات في كل حته.
من وجهة نظري شايف ان صدور تعريفة شحن المركبات الكهرباء افضل حاجه حصلت في ملف المركبات الكهربيه في مصر بعد قرار الاعفاء الجمركي (ما عدا العاق الموتوسيكل 
)عشان ناس كتير حتدخل السوق ده و يبقي في منافسة في صالح المستهلك عقبال صدور قانون التراخيص قريب ان شاء الله.
)عشان ناس كتير حتدخل السوق ده و يبقي في منافسة في صالح المستهلك عقبال صدور قانون التراخيص قريب ان شاء الله.
