اليوم نتعرف معا على السبب الأصلي لتلف جوان وش السلندر هو إن المياة بتبقي نقصت بشكل كبير وإستمرار دوران الموتور وطبعاّ ده بيخلي الحرارة عالية جداّ وده بيبقي نتيجة تقصير فى النظام الخاص بدورة التبريد وطبعاّ الموتور أصبح عبارة عن جمرة نار وده طبعاّ بيؤدي لتلف الجوان تماماّ ولو استمر الموتور بيشتغل بشكل أكتر ده هيعمل إعوجاج جامد في وش السلندر نفسه.
2:- كيف يمكن اصلاح جوان وش السلندر ؟!
حضرتك بتخلي العربية تبرد خالص وبعدين بتفك وش السلندر وبتروح بيه لأي خراط عشان تقيسه وتتأكد من إنه سليم وبتعمل تنظيف تام ليه ولو لقيته سليم وتمام خالص بتعمل معاينة لبلوكة الموتور عشان برضه تتأكد من سلامتها وتنظفها من اّثار الجوان القديم أما بقي لو فيه إعوجاج فعلاّ في وش السلندر لازم تغير الوش بواحد تاني ويفضل إنه يكون إستيراد عشان ميأثرش علي أداء الموتور بعد كدة.
بعد ما بيكون وش السلندر وبلوكة الموتور تمام وكويسين, بتعمل تنظيف كامل لدورة التبريد وضروري تكشف علي ترسة طلمبة المياة وإن ضروري تكون ثرموستات الكوعة والمروحة في السليم وتراجع علي كل خراطيم دورة التبريد وأى خرطوم بيكون طري لما تضغط علية لازم تغيره فوراّ لأن مع إحكام الكبس بعد تركيب الجوان لازم الخرطوم يتحمل قوة الضغط القوية.
