انطلاق موتمر شل “Together anything is Possible”
انطلق اليوم فعاليات مؤتمر شل “Together anything is Possible ” لمناقشة التطورات التكنولوجية في الصناعة والتحديات التي تواجه الثورة الصناعية الرابعة والمهارات المطلوبة لمواكبة تلك الثورة الصناعية واستعدادات شركة شل والأساليب الرقمية المختلفة التي تستخدمها لمواكبة الثورة الصناعية الرابعة في مختلف المجالات
وقد أكدتآمال الشيخ العضو المنتدب لشركة شل للزيوت مصر في كلمتها الافتتاحية أن مؤتمر هذا العام بعنوان “Together anything is Possible” .. والحقيقة إننا اختارنا العنوان ده لأننا بنؤمن أن علاقتنا هي أكبر من علاقة مورد وعميل ولكن هى شراكة قوية وممتدة نقدر نعمل من خلالها تغيير ملموس في القطاعات اللي بنشتغل فيها من خلال آليات واستراتيجيات توصلنا كلنا للنجاحات اللي بنتمناهه.
وقالت أن المؤتمر يضم مجموعة متنوعة من المناقشات عن التطورات الخاصة بالقطاع الصناعي في مصر وخصوصا فيما يتعلق باستخدام التكنولوجيا الحديثه وما احدثته “الثوره الصناعيه الرابعه” فى كل عمليات التشغيل، وكمان هنتكلم عن دور شل في دعم هذا القطاع وعن ازاي هنقدر نواكب كل التغيرات والانجازات اللي بتحصل لان المناقشات دي بتساهم بشكل كبير في تبادل الخبرات اللي بتأدي لتنمية القطاع ككل.
والحقيقه إن اهتمامنا بالتركيز انهارده على القطاع الصناعى متمامشي مع استراتيجية الدوله اللي بتدي اهتمام كبير للقطاع : اولا) لأنه يعتبر محرك رئيسي لزيادة معدل نمو الاقتصاد القومي. وثانياً وزي ما قلت في المقدمة … احنا حريصين إننا نكون شريك رئيسي وفعال لعملائنا في مختلف مجالات العمل.
وهذا نابع من استراتيجية شل العالمية اللي بتشتغل بشكل مستمر على مراجعة الأولويات والاستراتيجيات طبقاً لمتطلبات المجتمعات اللى إحنا بنشتغل فيها علشان نضمن تحقيق منفعة متبادلة وتلبية المتطلبات المتزايدة في الأسواق بطرق مسؤولة اقتصاديًا وبيئيًا واجتماعيًا.
ونحن نقوم بهذا الدورعن طريق التكنولوجيا الحديثه والإبتكارات اللى بنقدر نوصلها من خلال اهتمامنا المستمر بقطاع البحث والتطوير واللي بنستثمر فيه حوالي مليار دولار سنويا. وده بيساعدنا أننا نبني مستقبل مستدام للقطاعات اللي بنشتغل فيها…وكمان بيساعدنا علي تحسين كفاءة منتجاتنا وعملياتنا.
أما عن دور شل محليا فى دعم العملاء فى القطاع الصناعى:Total cost of ownership قال آمال الشيخ نحن سوف نسلط الضوء على آلية مهمة جدا نعمل من خلالها وهي “تخفيض تكلفة التشغيل الإجماليه” …. الآلية دي بنستخدمها مع شركائنا عشان نوفر لهم منتجات وخدمات وحلول هدفها الرئيسي تقليل تكلفة التشغيل وتحقيق منفعة أكبر. قدرنا من خلال هذه الآلية إننا نساعد عملائنا في قطاعات مختلفة – زي التعدين والنقل والطاقة والمقاولات وغيرهم – على تحقيق نتايج أفضل بتوفير الوقت والمال ورفع مستوى اداء المعدات بمساعدة خبرائنا المتخصصين.
هذا بجانب تركيزنا على ابتكار حلول تكنولوجيا جديده بتساعدنا فى تطوير منتجاتنا ، تقديم خدمات فنيه مبتكره، وتطوير المهارات الفنيه للمتخصصين من المهندسين والفنين والعمال اللى بيشتغلوا فى المجال الصناعى.. ونحن كشركاء نجاح هدفنا هو تحقيق نمو لحجم أعمال العملاء على اختلاف قطاعاتهم.
ولتعزيز دور شل ونقل الخبرات المتاحه عالميا تم دعوة 7 من خبراء شل العالميين لمعرفة الاليات التى تستخدمها وهيتبادلوا الخبرات والآراء مع الحضور.
