اخبارخد بالكخدمات

يعنى ايه الفرامل واخدة هواء ؟

منظومة الفرامل الهيدروليكة فى فكرة عملها بتعتمد على ان الزيت غير قابل للانضغاط بمعنى ان حضرتك لما بتضغط على دواسة الفرامل يتحرك الزيت من ماستر الفرامل العمومى للماستر الفرعى عند العجل وبعد كدا ياثر على تيل الفرامل ويحصل احتكاك بين التيل والطنبورة وده هو اللى بيخلى الفرملة تتم. ومن المشاكل اللى بتتكرر فى الفرامل هى ان يدخل هواء داخل دورة زيت الفرامل و عشان الهواء قابل للانضغاط فحضرتك لما تدوس على دواسة الفرامل هيكون تاثير ده انه الهواء هينضغط ومش هيحصل فرملة وهتلاقى ان دواسة الفرامل طرية تحت رجلك.
ولازم يتم خروج الهواء ده من الفرامل وبيتم عن طريق ان بيكون فى واحد راكب فى العربية ويفضل يضغط فى دواسة الفرامل (يكارك) لغاية ما يتحرك الهواء اللى موجود فى الدورة للعجل وهناك بيقوم الفنى بفك صامولة يخرج منها الزيت والهواء ويفضل يكرر الخطوة دى لغاية ما يتاكد ان اللى بيخرج من الصامولة دى لما يفكها زيت بس . وفى اجهز ة بيتم بها استئصال الهواء من الفرامل على طول بدون ما حد يكارك للفرامل وده بيتم عن طريق طلمبة تعمل خلخلة (شفط ) وتسحب الزيت .
وفى حالة وجود ABS يتم استخدام جهاز تشخيص الاعطال

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى